En ce pourtraict on peult veoir diligence, Tenant en main le cornet de copie. Elle triumphe en grand magnificence: Car de paresse oncq’ ne fut assoupie. Dessoubz ses piedz tient famine accroupie, Et attachée en grand captivité: Puis les formis par leur hastiveté Diligemment tirent le tout ensemble: Pour demonstrer qu’avecq’ oysiveté, Impossible est que grandz biens l’on assemble.